USURBIL K.E. taldeen aurkezpena

Eskubaloi taldeen bilguneak osatuak dituen taldeak eta zuzendaritza berritua aurkezteko baliatuko du irailaren 6rako 11:30etan Sutegin antolaturiko ekitaldian.

2025-26 denboraldia abiatzera doa askorentzat, bizitzako esparru bat baino gehiagotan; horien artean, herriko kirol taldeak ere sasoi berrian murgiltzera doaz. Abiapuntu desberdina izango du, ordea, aurtengoak Usurbil Kirol Elkartearentzat. Izan ere, eskubaloi taldeen bilguneak jendaurreko aurkezpen ekitaldia antolatu du irailaren 6an (larunbata) goizeko 11:30etan Sutegin.

Hitzordua, batetik, Usurbil K.E.-ren baitako taldeak ezagutarazteko baliatuko dute. "Talde bakoitzeko jokalariak banan-bana aurkezteaz gain, taldeetako teknikariek ere aukera izango dute hitz batzuk helarazteko bertaratuei", iragarri dute eskubaloi taldeen bilgunetik.

Mezu gehiagori ere tartea egingo diete. Izan ere, "erakundeetako ordezkariek (Gipuzkoako Foru Aldundia, Usurbilgo Udala, eta Euskal zein Gipuzkoako Federazioak) zein Kirol Elkarteko babesle nagusiek tartetxo bat izango dute bertaratuei euren mezuak helarazteko".

Tarte horretan zehar, ezustekorik ere izan daitekeela iragarri du Usurbil K.E.-k. "Sorpresaren bat ere egon liteke agian. Agian ezusteko sariren bat jaso lezake norbaitek. Nor izango ote? Zergatik?", hori irailaren 6ko ekitaldian argituko dute.

Horrez gain, eskubaloi taldeekin batera, berritu duten zuzendaritza taldea ere aurkeztu asmo dute hitzordu berean.

Informazio gehiago: https://noaua.eus/usurbil/1756462793132-usurbil-ke-ren-denboraldi-berriko-aurkezpena-egingo-du-irailaren-6an

Entradas populares de este blog

CESA2026: bidean jarraituko dugu

CESA: bidean jarraituko dugu CESA beti da lehiaketa berezia. Bizia, zorrotza eta ikaskuntzaz betea. Azken emaitzen berri izan gabe, balantzea argia da: lau selekziok jarraituko dute Kopan parte hartzen eta bi taldek — emakumezkoen jubenilak eta emakumezkoen kadeteak — txapelketan parte hartzen jarraitzen dute. Hori da nahi genuen eszenatokia? Seguruenik ez. Egin den lana definitzen duzu? Inola ere ez. Partida bakoitzaren atzean entrenamendu, bidaia, urduritasun, ilusio eta konpromiso ordu asko daude. Gure jokalariak Estatuko selekzio onenen aurka lehiatzen ari dira, eta horrek, berez, balio handia du prestakuntzan eta kirolean. Orain prozesuan sinesteko unea da. Oinarritik egiten den lanean, Haziak bezalako programetan, eta kadete eta gazte mailetatik eraikitzen den eskubaloia ulertu eta jokatzeko modu batean. Epe laburreko emaitzek ez dute beti laguntzen, baina hazkunde erreala denborarekin ikusten da. Txapelketa geratzen da aurretik eta asko dago esateko. Akatse...

Jarduera Fisikoaren eta Kirolaren Profesionalen Euskal Erregistroa

EUSKADIKO ESKUBALOI KLUBEN INFORMAZIO ZIRKULARRA Jarduera Fisikoaren eta Kirolaren Profesionalen Euskal Erregistroa Eusko Jaurlaritzak Jarduera Fisikoaren eta Kirolaren Profesionalen Euskadiko Erregistroa jarri du abian, Kiroleko Lanbideetan Sartzeari eta Jarduteari buruzko ekainaren 30eko 8/2022 Legea betez. Erregistro horren helburua da kirol-jardueraren segurtasuna eta kalitatea bermatzea, eta ziurtatzea kirol-arloan eginkizun profesionalak betetzen dituzten pertsona guztiek prestakuntza eta egiaztapen egokiak dituztela. Nortzuk inskribatu behar dira? Erregistroan inskribatuta egon beharko dute kirol-arloan lan egiten duten pertsona guztiek, besteak beste: • Entrenatzaileak, Eskola Kirolakoak zein Federatuak. • Jarduera fisikoko monitoreak. • Kirol-zuzendariak. • Gorputz-hezkuntza...

ESKUBALOI FOROAK - FOROS DE BALONMANO

Euskal Eskubaloia Foro irekia: Bizkaian hasiko gara, eta ondoren lurralde guztietara zabalduko da Eskubaloiak Euskadin komunitate sendoa du, eta etorkizunari begira une egokia da elkarrekin gelditzeko, egoerari begiratzeko eta norabidea partekatzeko. Horregatik, Euskal Eskubaloi Federazioak Euskal Eskubaloia Foroak abiatzen ditu: Euskadiko lurralde guztietan egingo den dinamika parte-hartzailea. Lehenengo geldialdia Bizkaia izango da: bertan egingo ditugu hasierako bi jardunaldi ireki , eta ondoren Gipuzkoa eta Araba ra zabalduko da, lurralde bakoitzean eskubaloiaren errealitatea entzun, kontrastatu eta elkarrekin eraikitzeko. Zertarako izango dira foroak? Foroak topagune ireki eta eraginkorrak izango dira, Euskadiko eskubaloia gaur non dagoen eta bihar nora joan nahi duen lurraldez lurralde aztertzeko. Bizkaian hasiko gara honako helburuekin: Egoera aktiboa partekatzea : egungo argaz...